اسمع واستمتع


    هلوسة طفلة..أنا اللى هنقذ العالم..

    شاطر
    avatar
    بنت الياسر
    عضو مبدع
    عضو مبدع

    انثى
    عدد الرسائل : 225
    المزاج : عادي
    احترام قوانين المنتدى :
    80 / 10080 / 100

    sms :


    My SMS
    خبروها انني اموت فداها فعظامي تشتهي ان تدوسها قدماها


    تاريخ التسجيل : 19/08/2008

    1245 هلوسة طفلة..أنا اللى هنقذ العالم..

    مُساهمة من طرف بنت الياسر في الإثنين يناير 26, 2009 8:42 pm

    أتذكر بعض اللمحات من طفولتى...تذكرتها منذ بضع أيام..هناك موقف ما عالق فى ذاكرتى و أعتقد انى سيظل عالقاً هناك الى الابد..ما لم أفتح لة الباب قليلاً لعلة يتحرر من تلقاء نفسة..
    سألنى شخص ما فى طفولتى السؤال الابدى التقليدى.. تحبى تطلعى اية لما تكبرى؟؟؟
    انا....انا اللى هنقذ العالم...!! كنت مقتنعة تماما الاقتناع بما أقولة...يعنى انتى يا حبيبتى عايزة تطلعى ظابطة؟؟؟انا...اطلع ظابطة ازاى يعنى؟؟؟ لا طبعاً بس انا عندى اللى ينقذ العالم...الساعة اللى فى اودتى....
    عندى فى البيت ساعة ساعة كبيرة شوية زى ساعة اليد بالظبط بس الفرق انها طولها 6 شبر.. ساعة حائط...
    مرسوم عليها خريطة العالم..الساعة دية و الحمد لله فتحت عينى على الدنيا لقيتها قدامى 22 سنة و هى موجودة..و لحظى الحلو اللى أحسد علية الصراحة انها فى اودتى..ابحلق فيها 24 ساعة فى اليوم..من و انا صغيرة و انا شغالة اسئلة عن اساعة دية..
    السؤال الاول..هو انتى لية يا ماما حاطة الساعة دية عندنا ؟؟ما تحطيها فى حتة تانية؟؟
    الاجابة..احطها فين يعنى مينفعش احطها فى اى حتة تانية عشان منظرها مش مناسب..
    السؤال التانى..طب ما تحطيها عندكو فى الاودة بتاعتكو و احنا مالنا بقى.؟؟؟
    الاجابة..يعنى نحط عندنا ساعة عليها خريطة العالم؟؟لا عندكو انتوا احسن..عشان تستفيدو منها...
    هكذا كانت الساعة من نصيبى انا و اختى لمدة 22 سنة..
    عمرى ما اقتنعت برد ماما على سؤالى..دايماً كان فى عقلى سبب أكثر منطقية وواقعية بالنسبة لى..
    اعطانى احدهم طفولتى كلها احاول ان اتخيل سبب أكثر منطقية فى عقلى لوجود هذة الساعة..
    لحد ما وصلت للسبب..ان انا اللى هنقذ العالم بيها..
    (العوّ)الكبير اوى لما يجى ياكلنا و ياكل الدنيا كلها..بعد ما ياكل جزء كبير اوى من الدنيا و يجى عند بيتنا و يبص من شباك اودتى بعينة الكبيرة الملونة الوحشة..انا بقى ساعتها هبقى أذكى واحدة فى العالم و تجيلى فكرة جهنمية هنجمية مهنجمة..ان انا ممكن أقدم لل(العوّ)هدية عشان ميكلناش و انقذ باقى العالم اللى فاضل..الهدية دية هى الساعة و اللى هى يا دوب هتيجى على قد ايدة اللى طول بيتنا..
    يا سلام يا بت يا ولاء على أفكارك اللى مفيش زيها..انتى اللى خلصتى الدنيا من (العوّ)
    اة منك لو فية منك اتنين بس فى الدنيا..كان زمان الحال بقى غير الحالّ!!!!
    ملحوظة...
    دية هلوسة طفلة يعنى من الاخر محدش يضحك عليا

      الوقت/التاريخ الآن هو الأربعاء يناير 23, 2019 8:16 am